作為Subcrew主腦人之一的李璨琛，過往亦曾跟不同潮流單位合作，由Casio G-Shock至早前的金子眼鏡都屢出佳作。而是次與法國眼鏡翹楚alain mikli共事，又有甚麼新鮮事可與大家分享？「認識alain mikli呢個品牌好耐，一直感覺佢係好中產、好Classic，呢次合作係同旗下年輕副線mikli作Crossover，好感激佢全力協助及畀好多自由度我。不過與此同時又好頭痕，因為起初過千種辦料、顏色同Pattern放眼前，我只係發呆，後來發現唔可以貪心，只可鎖定某種色調組合，先可以順利完成。」
是次Subcrew by mikli眼鏡共有五款，備有多種顏色搭配，在單品之內，琛仔更加入許多日本眼鏡常用的設計元素，並用上經典型號作為參照對象，當中他最鍾意眉鏡及金屬機師鏡兩款，而每副眼鏡的鏡臂均有兩個品牌的印記，以茲證明。
開售日期︰5月中
查詢︰亮視點/2343 8223
